Music1975  (7 years ago)
من قالك يغفل عليك البال ،، ومن قالك مانك عزيز و غالي ،، ومن قالك يزهي بلاك الحال ،، ومن قالك يسواك عندي والي ،، ومن قالك طيفك بنومي زال ،، ومن قالك نقدر بلاك نجالي ،، ومن قالك عمري بلاك دلال ،، ومن قالك مانك عزيز و غالي

gege65  (7 years ago)
حطني في بالك وأجبر الخاطر قول ويش أحوالك عندي عليك ملاااااام راني نسألك..إنكانك رفيقي دزوإنشد عني
حسسني بحنانك كثرعلى سؤالك..يلي بلاك الروح ترحل مني
أنت حلم عمري ياقليل أمثالك..ياتوأم روحي ياملاك أسكني
ياروح روحي وقالها من قالك..تبقى رفيقي لدنيتي متمني
وما يوم من فكري خيالي شالك..إنكمل سنين العمر لك مستني

Music1975  (7 years ago)
"اشوية غلاك ابقلب واحد بـــس .. محتاج مية قلب بيك أيحــــس
أتريد قلب ميت فيــك .. وقلب ما يحمل أيغيب عليــــك وقلب ينبض غايته يرضيـــــك .. أو قلب في ساعة الضيق ونس وقلب وده بالحياه يفديــــــك .. بنبضات و لـ روحك إيكون نفــس وقلب بأغلى ما ملك يشريـك .. وقلب لو يلقاك فيــــه أيــــدس وقلب ما عنده امعاك شريــك .. وقلب تبقى فيــــه أنتا بـــــس محتاج فوق المية .. القلب واحد في غلاك أشويــــة محتاج قلب ايكون صافي النيتتة .. وقلبين ما فيهن اجــرام فسس وقلب ملكك يا عزيـــــز هديــــة .. ما فيش غيرك زول فيــه عفـس وقلب ايتسامح كان درت السية .. امسلم و طاهر ما عــــراه دنس وقلب ايتصبر كـــان غبـــت عليا .. وقلب ايتألم لو غـــلاك بخــس اشوية غلاك ابقلب واحد بـــس .. محتاج مية قلب بيك أيحــــس"

Music1975  (7 years ago)
بان الصبح يامطيب صباحك
صباحك خير ياوطن الجدود
صباحك قير من صافى اجباحك
صباحك عطر من فوح الورود

Music1975  (7 years ago)
ن يوم ياللي قالو غنوك ... وجاي كيدنا ع السباسي
نظرت ياغني يوم زفوك ... وجااي كيدنا ع الطواسي
عندي عين من يوم شالوك .. عالدمع صابح وماسي
وعقال يا عقل ضروك ... فيهم سماح الجلاسي
وبالنار ياجوف حرقوك ... ومن فعلهم شاب راسي
واليوم ياقدر شووك ... وخسرت هيبتي بين ناسي
ومن يوم يا قسم لطوك ... وعمري اكمل فالمآآسي

Music1975  (7 years ago)
[size=18عيـــﺸﻪ ﻭﺍﻟﺴﻼﻡ ..ﻛﻴـــــﻒ ﺍﻟﻨـﺎﺍﺍﺱ .. ﻧﺮﺟﻮﻭﻭ ﻓﺎﻟﺨﺘــﺎﻡ .. ﺿﻴــﻢ !!.. ﻭﺻﺒﺮ !!.. ﻋﻴﺸﻪ ﻭﺍﻟﺴﻼﻡ .. ........................ ﻋﻴــﺸﻪ ﻛـﻲْ ﺍﻟﻨــﺎﺍﺍﺍﺍﺍﺱ .. ﻋﻴــﺸﺔ ﺻﺒﺮ ﻳﺎﺍﺍﻋﻴــــﻦ ﻭﺧﻼﺹ .. ﺭﻳــــــﺖ ﺃﻭﻭﻭﻣﻮﺭ ﻣﺎﻣﻨﻬﻦ ﺧﻼﺹ .. ﻛﻼﺍﺍﺍﺍﺍﺍﺍﺍﻡ ﻭﺭﺍﺍﺍﻩ ﻳﺠﺒﺪ ﻓﻲ ﻛﻼﻡ .. ﻛﻼﺍﺍﺍﺍﺍﺍﺍﺍﻡ ﻛﺒﻴــﺮ ﺗﺒﻴﻠﻪ ﺍﺣﺴﺎﺱ .. ﺭﻫﻴــــــــﻒ ﺃﻳــﺤﺲ ﻣﺎ ﻓﻴﻨﺎ ﺁﻵﻡ .. ﺭﻳــــــﺖ ﺃﻓﻼﻥ ﺻﺎﺍﺍﺍﺑﺮ ﻋﺎﻟﻔﻼﺱ .. ﻭﺭﻳــــﺖ ﺃﻓﻼﻥ ﻏﺎﺍﺍﻃﺲ ﻓﺎﻟﺤﺮﺍﻡ ..ﻭﺭﻳــــﺖ ﺃﻓﻼﻥ ﺭﺍﺍﺍﺿﻲ ﻹﻧﺘﻜﺎﺱ .. ﻭﺭﻳــــﺖ ﺃﻓﻼﻥ ﻗــﺎﺍﺍﺍﻋﺪ ﻓﺎﻟﻀﻼﻡ .. ﻭﺭﻳــــﺖ ﺃﻓﻼﻥ ﻣﺘﺒــﻨّﻲ ﺃﻃْﻘﺎﺍﺍﺱ ..ﻭﺭﻳـــﺖ ﺃﻓﻼﻥ ﻣﺎ ﺃﻳﺼﻴــﻢ ﺍﻟﺼﻴﺎﻡ ..ﻭﺭﻳـــﺖ ﺃﻓﻼﻥ ﻟﺬﻉ ﺍﻟﻨـﺎﺍﺍﺍﺍﺍﺭ ﻗﺎﺱ ..ﻭﺭﻳـــﺖ ﺃﻓﻼﻥ ﺩﻭﺭ ﺍﻟﻌﻴـــﺐ ﺭﺍﺍﺍﺍﻡ .. ﻭﺭﻳـــﺖ ﺃﻓﻼﻥ ﻧﺎﺳﻴﻪ ﺍﻹﺧﻼﺍﺍﺍﺹ .. ﻭﺭﻳـــﺖ ﺃﻓﻼﻡ ﻣﺎﺍﻫﻦ ﺷﻲ ﺃﻓﻼﻡ ..ﻭﺭﻳـــﺖ ﺃﻓﻼﻥ ﻳﺸﺮﻱ ﻓﺎﻟﺤﺴﺎﺱ .. ﻭﺭﻳـــﺖ ﺃﺳﻼﻡ ﺗﻘﺘﻞ ﻓﻲ ﺃﺳﻼﻡ .. ﻭﺭﻳـــﺖ ﺍﻟﺬﻳـــﻞ ﻳﺒﻲ ﺍﻳﺒـﺎﺕ ﺭﺍﺱ ..ﻭﻫﻮ ﻣﺎ ﺃﻳــــﻄﻮﻭﻭﻝ ﺣﺘﺎ ﻓﺎﻷﺣﻼﻡ .. ............................ ﻋﻴـــﺸﻪ ﻭﺍﻟﺴﻼﻡ ..ﻛﻴـــــﻒ ﺍﻟﻨـﺎﺍﺍﺱ .. ﻧﺮﺟﻮﻭﻭ ﻓﺎﻟﺨﺘــﺎﻡ .. ﺿﻴــﻢ !!.. ﻭﺻﺒﺮ !!.. ﻋﻴﺸﻪ ﻭﺍﻟﺴﻼﻡ ..واقع

Music1975  (7 years ago)
ن كان عالصبر صابرين *** وزامطين مامن ظليمه
وان كان عالسكات ساكتين*** علي وقت كتر ابظيمه
وان كان عالشقا واخذين *** للعمر الشقا بات سيمه
وان كان عالغلاء لطين *** عديمه اتقود في عديمه
وان كان عالزمان مابا ايلين *** علينا الزمان رافع اخشيمه
مضغت يارجاء فينا اسنين *** امضاغت الفرس للصريمه
وان كان عالسند فاقدين *** قوالت الحجه السقيمه
اغياب الضرا عالقزازين *** علي الزها غاب كيما
ازعما كيف وامتا او وين *** نلقالك احنن يا ايتيمه
وان كان عاالسعد هابتين *** وهابا اخرى او حيه ديمه...

Music1975  (7 years ago)
اصبـــــر ووســــــع بالـــــــــــــــك **** واجــد اللــي مهمــوم حالـــه حـــالك
واذكــر المولـــى وان شـــد حبــــالك **** وأبعـــــد عللــــي مالهــــــا تفسيـــــــر
ومــا أتمـــوت غيــر فــي ميجـــالك **** مهمــا جـرا مـن النــاس ليــش أتحيـــر

Music1975  (7 years ago)
ماياخدك عز بخطا ولا يذهبك قولت قايل والاصحاب ماهم سواء في المعرفه والخصايل هناك اصحاب رفقتهم دواء تبري جميع العلايل وهناك اصحاب مافيهم عزاء ولا تبان فيهم جمايل

Music1975  (7 years ago)
اندام دمعها ذراف اسباب العمى عيني ايكون انخاف اشبوب جور ورياحه العون اخفاف علي وطن مجدب تربتا نخنخه اوهو قبل طارد هله لكن راف الله بالبهايم من جدب سخسخه وارجع العام عمرن ما من كاف بغلاله اوناسه في هنا ربخه او كي هالشّبوب الدمع جا غزراف امغير منفعه م الدمع ما توخه ماشخص يغني لا يزيل جفاف اولا عمر مومن يوم وده لخه اشبوب غير مرجوعه علي تلاف قشــا الهدب سيلـــه والجفـــون سلخــــه والعين الخطا من بونياب رهاف ماكان في حسبانها دوخه مصروف نقطه حبر في نشف حسد سيرتا النظاف به لطخه للخاطر عدم يرث خطا لولاف ان ما من تحاسيفه الروح نفخه